Job Opportunities API

Me  ser etter deg som er glad i barn, trygg i vaksenrolla og som vil vera med og skapa ein god, trygg og utviklande barnehagekvardag. Det er viktig at du likar å samtala og utforska saman med barn. Det er ein fordel om du har erfaring i å arbeida med barn. Du treng ikkje ha erfaring med alt, men du må vere motivert, lærevillig og klar for ein aktiv arbeidskvardag. Kvifor jobba hos oss? I Vikebygd barnehage har me to avdelingar. Hos oss blir du del av eit arbeidsmiljø prega av samarbeid, fagleg utvikling og engasjement. Me tilbyr: Gode kollegaer og eit sterkt fellesskap. Oppfølging og rettleiing frå pedagogar og leiar. Ein trygg og god start for nytilsette. Fagleg støtte. Ein meiningsfull jobb der du gjer ein forskjell for barn kvar dag. Ordna tilsetjingsforhold. Me kan tilby: Ein jobb med meining og faglege utfordringar som vil gi deg meistring. Arbeid med engasjerte kollegaer som ønsker at du skal trivast og lykkast. Fagleg støtte og oppfølging frå pedagogar og leiar.  Moglegheiter for etter- og vidareutdanning i samsvar med vår kompetanseplan. Moglegheiter for å søka om stipend for relevant kompetanseutvikling. Støtte og opplæring for å hjelpa deg å komma godt i gong i den nye rolla di. Moglegheit for å bli med i bedriftskunstlaget og kommunalt kor ( KORe’ Vindafjord ). Ein av Norges sikraste pensjonsordningar: offentleg tenestepensjon.  Forsikringsordningar som gruppelivsforsikring, yrkesskadeforsikring og tenestereiseforsikring. Lønn etter gjeldande tariff og avtaleverk. Kvalifikasjonar: Fagbrev som barne- og ungdomsarbeidar. Andre med erfaring frå liknande arbeid kan også søkje (tilsetting som assistent). Du må beherska godt norsk, både skriftleg og munnleg. Skriftspråket i kommunen er nynorsk. Personlege eigenskapar:  Du er stabil og har god arbeidskapasitet. Du er varm, tydeleg og til stades i møte med barn. Du samarbeider godt med andre, og at du kan bidra til eit godt arbeidsmiljø. Du er fleksibel, strukturert og sjølvstendig. Du likar å vere ute og trivst i ein hektisk kvardag. Personleg eignaheit blir tillagd stor vekt. Andre opplysningar: Det er eit krav om godkjent politiattest for den som tilsettes i stillinga. Det er eit krav om at ein fyller ut egenerklæringsskjema for tuberkulinstatus, før tiltredelse.  Slik søker du: Vindafjord kommune tek berre i mot elektroniske søknadar via søknadsenteret vårt. du kan lasta opp vitnemål og attestar som vedlegg. Om du ikkje har dei elektronisk , eller i rett format, må dei takast med til intervju. Ta kontakt med servicetorget på telefon 53656565 dersom du treng help til å søkja.   Link til søknadsskjema: Søk her Om arbeidsgiveren: Vindafjord kommune ligg sentralt på Indre Haugalandet og grensar til Tysvær, Etne, Sveio, Suldal og Sauda. Med sine ni bygder og over 9000 innbyggjarar, er kommunen ein levande og mangfaldig stad. Kommunesenteret Ølen ligg om lag fem mil frå Haugesund. Vindafjord er ein stor landbrukskommune med eit dynamisk og variert næringsliv. Kommunen har høge ambisjonar om å vera eit naturleg sentrum for Indre Haugalandet. Med si strategiske plassering og ei lang kystlinje mot både Sunnhordlands- og Ryfylkebassenget, byr Vindafjord på mange moglegheiter for friluftsliv. Frå turstiar i skog og fjell til aktivitetar langs kysten – her finn ein noko for alle. Som innbyggar i Vindafjord kommune får du fleire fordelar som gjer kvardagen litt enklare. Til dømes kan du få sletta inntil 25.000 kroner av studielånet ditt kvart år, heilt fram til lånet er nedbetalt. Me tilbyr òg rimelege barnehageplassar, sånn at både småbarnsfamiliar og nyetablerte kan trivast og kjenna seg trygge her hos oss.